Day 5 : 07-02-2011
唔知喺早上幾多點被幾下拉門聲嘈醒了，一陣又一陣的腳步聲，我心諗：「Auntie妳哋唔使瞓咁多，都唔好嘈著我哋呢d年青人瞓嘛…」。 我唔想繼續破壞已經唔係幾好的中日關係，所以我忍佢哋，繼續瞓係度休息下，過了不久隔壁的四大漢又開燈又講嘢 … 真係俾佢地激死~~
到咗早上七點民宿的morning bell 才響起，我們才起床洗面刷牙，嚡 … 佢哋兩班人足足嘈了一個多鐘。
七點半開始早餐，是日早餐。
是日笑話
食完早餐便回房收拾行李，朋友KM講咗一句就行咗出房，我聽得唔清楚就問朋友P佢去邊，朋友P答：「整你個頭」，我問：「做咩整我個頭」… 跟著P不停地笑，原來KM去洗手間“整理”佢自己個頭，我與P笑到眼水都出埋，跟著KM就返嚟喇 …
今天乘10:45巴士往高山，兩日前已在旅遊中心預訂車票，一陣再去付款取票即可，乘還有一點時間便外出寄明信片及在街上溜一溜，在街尾有一間溫泉旅館，如果訂唔到民宿，可以住這裡。
雪地拉行李像牛耕田一樣
約十點我們回久松取行李往車站等車，外面開始下小雨，後來變成飄雪 …
原來我們乘的是加班車，但最有趣是正班車未到，乘客要在街上淋雪等候，坐加班車的我們安安樂樂等開車，過了10分鐘仍未開車，原來還有幾位乘客未到，哈哈…原來是久松的鄰居，四名大漢，終於開車。
沿途不停地下著飄雪，到達第一個停靠站，有兩位女士上車，哈哈…又係久松的鄰居，兩位中年女士，是久松的屋主開車送她們追巴士到這裡上車的，還順便將四大漢其中一個留低的衣服送回…終於真的人齊啦~~
約一小時後便到達高山，朋友KM剛才在車上已看到我們今天下榻的溫泉酒店，所以今次好快便搵到酒店。 因未到check-in時間，我們只好寄存行李便外出搵食，酒店大堂有很多宣傳單張介紹附近的食肆及景點，還附優惠劵。 在單張中得悉附近有一間貓頭鷹精品店，KM喜歡貓頭鷹，所以要去參觀一下。 店內果然包羅萬象，除了貓頭鷹還有其他商品。
由貓頭鷹精品店出來，兩位牛的仇人已被對面的飛驒牛肉店吸引了，KM點了牛肉串、P點了飛驒牛奶。
我還是期待我的午餐 … 但在午餐前我都試了這樽牛奶。
是日午餐
兩位牛的仇人說我克己，唔食牛肉串，其實我們七日旅程每天3餐裡都有牛肉，加起來的牛肉也不少。 我已戒牛肉多年，在最近一年才開始食一點牛，所以一下子食大量牛肉使身體受不了，長了一些小瘡，這是一個訊息，日本回來後我又會開始戒牛肉啦… 對於我來說沒有難度。
食完午餐便在老街繼續搜購飛驒寶寶及其他紀念品，牛的仇人也去尋好味的牛…
我們搵到一間超市，在這裡找到剛才P在小店買的飛驒牛奶紙盒裝，在售賣架上寫著人氣手信No.1，我也買了500ml當宵夜，買多一盒士多啤梨，行累了便回酒店休息。 黃昏才出來搵食，其實我們入住的酒店很方便，距JR及巴士站約5分鐘步程，往老街及其他景點10-15分鐘，所以唔使坐巴士，兩日內在高山市果四條橋行來行去…
晚上6:30外出搵食，從大堂的小冊子裡選了一間隱世小館食飛驒牛肉…
食飽飽休息一會上頂樓的大澡堂洗澡及浸溫泉，到達時差不多晚上9:30，這裡比金澤Dormy的澡堂大很多，但只有我和P兩人包場。
是晚住宿：Spa Hotel Alpina
